مطعم وجزارة مدلل الشام

أسوأ تجربة في حياتي كانت في مطعم وجزارة مدلل الشام – كرافت زون مدينتي. بكل صراحة، اللي حصل معايا ميتسكتش عليه. دخلت أجرب الشاورما عندهم وقلت يمكن تكون مختلفة، لكن طلعت صدمة بكل المقاييس. أولاً: الشاورما مفهاش لحمة أصلًا! كله عيش ملفوف على بعضه كأنك طالب سندويتش دايت من غير بروتين. طعمها بايت ومفيش فيها أي نكهة، ولا حتى شوية صوص يعدلوا الموقف. ثانيًا: المعاملة في منتهى السوء. العمال بيتعاملوا ببرود وكأنك جاي تشحت منهم، مفيش أي ذوق أو احترام للزبون، وكأنك بتطلب منهم خدمة بالعافية. ثالثًا: النظافة حدث ولا حرج! المكان ريحته غريبة، والترابيزات مش متتنضف، تحس إنك قاعد في كافتيريا مهجورة مش مطعم. باختصار: لا أكل يتاكل، ولا خدمة تتعاد، ولا مكان يشجع إنك تدخله تاني. نصيحة من القلب: وفر وقتك وفلوسك، وروح أي مكان تاني يحترم الزبون وبيقدم أكل بجد. المطعم ده لازم يتقفل لحد ما يعرف يعني إيه جودة وخدمة!

طلبنا شاورما و منقوشة جبن المطبخ مكانش شغال معرفش ليه و كان متاح الشاورما و المناقيش بس المنقوشة خفيفة و كويسة و سندوتشات الشاورما توابلها قليلة و مخلي طعم الفراخ باين فهي كويسة و نزل معاها تومية و مخلل من غير بطاطس شاورما الصاج حجمها كويس مدلل الشام حجمه نونة

افضل مطعم سوري في كل مصر وأطيب لحم وخدمة رائعة الله يوفقكم ويرزقكن عل القمه الرائعة

انا صراحة اشتريت منهم لحمة فليتو ومفروم.. الوزن بعد التشفية.. ودي قمة الامانة انصح بيهم ..

الصراحة تعاملهم حلو و راقي طلبت من عندهم نص فرخة مشوية التسوية كانت ممتازة و الطعم خرافي