السجل المدني كرافت زون – خدمة مميزة

مواعيد العمل لحد الساعة ٣ واستلام البطاقات لحد الساعة ٤ . الفرع ده هو الى متاح فيه البطاقات المستعجلة والترجمة . يوجد حاليا مكنة تصوير بداخل الفرع مبقاش فيه احتياج اننا نخرج نصور الورق برة . مع ان الفرع التانى اكبر بكتير بس ده الى المفروض فيه الخدمات المميزة. للاسف الفرع ده صغير جدا جدا لا يكفى غير لتواجد تقريبا ٥ او ٦ مواطنين بداخله تقريبا ٣ موظفات بيقوموا بكل الشغل وضع غريب جدا حجم الفرع لا يتناسب اطلاقاً مع الخدمات الموكلة له ..

تقديم الخدمة في الحكومة، كعادتها، جزء أصيل من منهج تعذيب واذلال المواطن، هذا المركز" الصفير للغاية" لم يشذ عن القاعدة الحكومية المتوارثة من عقود طويلة، بل يؤكدها.. مهما دفعت أموال أكثر، مهما وعدت بتلقي خدمة راقيه مهذبه وانيقة، وأياً كان ما هو مكتوب علي لافتات مراكز الخدمة من التزام بالقانون والنظام والانضباط، دائما سيتم خذلانك… نصيحة: عندما يتم تصويرك ستطلب منك بصوت آمر هامس الموظفة "نسخة مدام عفاف التقليديه" دفع مبلغ نظير التصوير، وبدون شك ستدفع أملاً في صورة محسنه ومعاملة ودوده، انصحك ألا تدفع هذا المبلغ، بل أدفع ضعفه أو اضعافه، لانه سيكون ليس بالقدر الكافي للحصول علي ما أملت فيه…شيء بائس محبط يؤكد أن العشوائيه ليست في رثاثة الابنية ورداءتها، فهما تم تلميعها وكسوتها بالرخام المزدحم، ستظل بدائيه العقول و فوضوية السلوك واعتناق الفهلوة كرمز للحذاقة والبطولة، ازمة الادارة الحكومية الي اشعار اخر…

مافيش غير موظفه واحده بس فى الفرع و ناس كتير محتاجين الخدمه و مافيش تصوير للبطاقه المعامله بتاعتك بتقف لحد ما تروح تصور البطاقه و ترجع و دايما السيستم بيقولوا واقع بالنهار خدمه زفت و أسلوب مش محترم و النور فاصلينه

الخدمة كويسة جداً لكن الاستاذة اللي بتصور معندهاش الوعي الكافي للتعامل على الكمبيوتر لو في حالة عندها اعاقة

عموما مش بطال،،، لكن في ناس بتدخل من غير دورهم و الموظفين موافقين على ده بالإضافه ان كل اللي موجود ثلاث موظفين،،، واحد منهم تصوير فالحقيقه في الاخر اللي بيشتغل هما اتنين فقط،،، السرعه بطيئه في الخدمه و ممكن الأنين يشتغلون على ملف واحد و الناس بتقف على شباك واحد.